Florans Feliks

Chez Florans Féliks, il faudrait davantage parler de cultivation d’écosystèmes créatifs que d'œuvres d’art figées. Tout autant artiste que planteuse d’arbres, pédagogue et passeuse d’histoires, ses écosystèmes prennent racine dans le contact à la terre, celle de Kazkabar à Saint-Paul de La Réunion. Lieu de vie, d’accueil, d’apprentissage et de création fondé en 2004, il est situé à la croisée des chemins, en faisant d’emblée un espace symboliquement chargé de présences et de récits. C’est dans cette géographie mouvante, traversée par une ravine, qu’éclosent ses assemblages, cabanes et parures collectives, inscrivant durablement les corps qui les ont produits dans le territoire qu’iels habitent. 

Le travail de Florans Féliks suit un principe de germination. Dans l’atelier à ciel ouvert de Kazkabar, les œuvres sont littéralement mises en terre, ensevelies pendant plusieurs mois. La matière textile devient une enveloppe-corps dans laquelle sont enserrés des blocs de terre locale et des graines de citrouille. Ces cocons fertiles surmontés de sézis-tèr¹ jouent un rôle à la fois pratique et symbolique. Bien que les sézis soient aujourd’hui communément utilisées pour se reposer, peut-être serviront-elles à faire sécher les futures graines produites par les plantes fécondées. Elles rappellent ici leur usage premier : le séchage des grains de café. Portée par les premières migrations malgaches, la présence des sézis inscrit, dans le système racinaire de la Kaz, l’héritage d’une population créolisée. Elle est un marqueur de mutation d’usage autant que de migration ancienne. 

Le ron fanm de Kazkabar — communauté de féminités plurielles² —, joue un rôle central. Les gestes manuels s’y répètent et se transmettent (ramasser, sécher, pétrir, retourner, tresser) jusqu’à donner vie aux œuvres. Etandû, Etandî, Etandô, Etandard (2021) en est un exemple. L’installation interconnectée par des fragments de tricot se compose d’une agrégation de matériaux naturels et artificiels témoignant d’une attention constante au « déjà-là ». Les racines, tiges et oignons de pensées d’eau — plantes envahissant l’étang de Saint-Paul —, s’entremêlent aux rebuts domestiques du quotidien recueillis. Le nettoyage des objets glanés crée un glissement perceptif : les racines et tiges prennent l’apparence de chevelures texturées, la face rugueuse des éponges rappelle de la mousse végétale et les mèches de cheveux synthétiques, de l’humus ou des branchages humides. Les matières rejetées ou envahissantes mutent et se régénèrent sous l’impulsion des gestes de soin. 

La présence de l’artiste dans des lieux d’exposition institutionnelle est discrète, privilégiant l’accueil lors de kabars et bat’ karés.³ Une exposition fait néanmoins date dans son parcours : La sagesse des lianes en 2021. Féliks déplace Kazkabar au cœur du Centre International d’Art et du Paysage de l’île de Vassivière (CIAPV). Triko ‘d’po’d’ravine si sézi’tèr⁴ (2021) recompose à échelle réduite le terrain entrecoupé par la ravine Bernica. Des ouvrages en tricot et crochet aux tons terreux sont maintenus par d’épaisses branches. Leurs agencements délimitent des formes de cabanes-refuges — motifs récurrents dans son travail. Espace domestique accueillant et abri réparateur, la pièce est initiée par le ron fanm à Saint-Paul et achevée in situ, reliant deux territoires dont l’histoire s’enchevêtre par le déplacement forcé de milliers d’enfants réunionnais·es déraciné·es par l’État français dans les années 1960-1970 pour repeupler la Creuse, territoire abritant aujourd’hui le centre d’art.

Si la ravine évoque un phénomène d’érosion naturel créant une faille visible dans le paysage, elle est aussi source de mémoire. Intrinsèquement liée à l’histoire de l’esclavage et au marronnage puisque les « fugitif·ves » se cachaient dans ces espaces escarpés difficiles d’accès, Féliks souligne que des pratiques marronnes contemporaines y perdurent. Dans l’Hommage au gardien bœuf (2021), l’installation honore son voisin décédé Gabriel, un poète-chanteur gardien de bœufs Moka.⁵ Composée de bois et de paille, elle incorpore des éléments symboliques du gardien (chapeau vacoa, diabolo, pinces à linge, corne de bœuf…). Souvent stigmatisés et assimilés à des pratiques de vagabondages, les gardiens de bœufs sont pourtant les garants d’un savoir transmis par l’oralité comme l’ont été les marron·nes plus ancien·nes. À Vassivière, l’artiste a rassemblé les visiteur·euses lors d’un rituel de purification créé à partir d’urine de bœuf collectée auprès d’éleveur·euses locaux·les⁶. Des gestes protecteurs pour faire actes et traces de blessures encore vives.

L’attention pour la richesse de la transmission orale se perçoit également dans Granmèrkal (2005 - en cours). À partir d’une légende réunionnaise éponyme, Florans Féliks conçoit avec des enfants des objets hybrides à activer, entre parures d’oiseaux et dispositifs de jeu. Les contes sur Grand-mère Kalle sont foisonnants, parfois contradictoires, mais s’homogénéisent dans l’effroi que le personnage suscite. Sorcière ou martyre, elle incarne une menace qui occulte les savoirs sur la faune et la flore de l’île dont elle est détentrice. Les artefacts créés à partir de feuilles ou de plumes viennent au contraire exorciser les peurs, se transformant en supports ludiques de connaissances. Ils se réactivent à nouveau dans le spectacle I kri aou dann bwa (2022-2023) réalisé par Tintin du groupe Solilokèr, prolongeant cette nécessité de partage et le caractère mouvant des créations de Féliks. 

Son travail de gravure est moins connu. Pourtant, il fait partie intégrante de sa pratique depuis sa formation à l'École Nationale Supérieure des Beaux-Arts de Paris. En 1998, elle élabore les gravures Gravir po gramoun goni pour illustrer un livre de contes de l’artiste et auteur Wilhiam Zitte. Elle y aborde les thématiques de la foi, du labeur, du deuil et de la solidarité à travers la narration d’histoires d’ancêtres. La minutie qu’exigent les gestes d’incision et de creusement lui offre un espace méditatif personnel. Les gravures prolongent parfois des travaux antérieurs (série de gravures Granmèrkal - 2012) ou deviennent des pièces activables comme dans Salim (2012-2021)⁷. Entre le conte, l’oraison funèbre et le rituel de renaissance, les gravures de Salim dessinent un théâtre d’ombres. Dans une manipulation lente et une observation attentive, les formes se chargent d’une certaine polysémie. Une feuille peut devenir feu, cornes de cabri, aile d’oiseau ou figure humaine.

Les rituels pour les défunt·es sont omniprésents. Ils activent une cosmogonie réunionnaise où coexistent croyances et pratiques animistes, chrétiennes, hindouistes et musulmanes parmi d’autres. L’initiatrice de Kazkabar y organise annuellement Lomaz Zansèt (2004 - en cours) le 20 décembre. En parallèle du servis kabaré, ce kabar honore la mémoire des ancêtres afro-malgaches à travers le maloya.⁸ C’est une expérience corporelle qui se vit et se ressent plus qu’elle ne s’explique selon Féliks car elle requiert une synchronicité collective. En 2019, Lomaz Zansèt prend exceptionnellement la forme d’une procession depuis le rivage du cimetière de Saint-Paul jusqu’au terrain de Kazkabar. Un zingad — radeau de mâts de choca — de l’artiste Migline Paroumanou, un buste sculpté de Delphine Hélode et une sézi enveloppée d’un linge blanc accompagnent le rituel performance. Une offrande aux ancêtres afro-réunionnais·es révélé·es quelques années plus tôt par le cyclone Gamède.⁹

Florans Féliks s’inscrit dans une longue généalogie d’artistes mêlant l’art et la vie. Mais chez elle, l’art est un geste de relation écouménale. Il s’ancre dans le vivant, se transmet par le corps, se rejoue dans le collectif. Chaque forme ouvre un pan de mémoire, d’histoire et active un espace de soin. Il ne s’agit pas de réparer le passé, mais de créer les conditions d’une traversée salvatrice commune.

Ansanm Florans Féliks, odrémyé mazine in fason fé koumbla an lartistik olèrk zévrédar i débouz pi. An zès-fonnkér, an plantér, an lamontrér, an krikékrakér, li fé pous son travay lartis , zonbriyé èk la tér, sat Kazkabar , koté Sin-Pol La Rényon. Landrwa la i ékzis dopi 2004. Térla, i akèy aou gran kér, i amont, i aprann, i viv sak na po viv. Ousa térin i lé, dann krwazé somin la Rényon, li tonm dirèk in landrwa bonbé la prézans ousa la tér i koz. La-minm, dann in zéografi na pwin lo bor, ousa la ravine i koup an travér, son bann fagotaz an boukan, son bann gran palto an nik la koud an lantouraz i pèt an flér, i mark po lontan la tras lo kor domoun la mandar tousala. I anpar, i ranpar azot, po toultan, la plas zot i rèt.

Travay Florans Féliks i lèv parèy in grin la po zérmé. Dann Kazkabar, an latélyé rouvér si lo syèl, li plant son travay lartis dan la tér poudbon, an dormans po plizyér mwa. Dofil po tisaz i vyin an zanponn-lo kor, i ansér bann gob la tér èk grin sitrwi an somans. Kokon-la, an bababoutir sonbliyé èk sézi-tér lé la an bitasyon, mé lé la osi an fonnkér. Kinm koméla, i ansèrv sézi¹ pito pou ropozé, somanké va ansèrv pou fé sèk lo grin gondé, kan li sar fine doné. La i vyin rapèl pokosa té ansèrv sézi la promyé débi : fé sèk grin kafé.

Sézi l’ariv ansanm promyé malgas, li la rant an rasine pyédbwa listwar la Kaz in pèp fine kréolizé. Ali minm la mark manir ansérv ali zordi, èk la mark vwayaz bann zansèt.

Ron fanm Kazkabar — lantouraz tout kalité fanmté ² —, i tonm an potomitan. La minm i fé, i arfé viv, i amont, i aprann , tout bann zès la min (amasé, séké, boulanzé, trésé) ziskatan i fé énèt lèvrédar. Etandû, Etandî, Etandô, Etandard (2021) i done in bon légzanp posa. Linstalasyon i angarot tout sanm morso triko mandaré. Fagoté èk zafér natirèl mayé èk zafér artifisyèl li amont byin lo réspé po sat « té fine -la ». Rasine, dobwa ansanm patat pansédo — plant i sava partou létan Sin-Pol —, lé anmayé sanm bann réstan la vi toulézour. Nétway tout sak la trouvé par si par la i aral aou dan in ot fason mazine sat ou i wa : bann rasine ansanm dobwa i vyin sové konyé, koté zéponz i grat i vyin la mous, mèsh sové sintétik i vyin féy dobwa po pouri atér sansa in bransh la rèt dann lo. Zafér zété, zafér i may anou, i arpran favér dann tout zès sonyaz lo kér dan la min.

I wa pa tro lartis dan lamontraz lartistik ofisyèl, li profèr akèy domoun dann kabar épisa an bat karé³. Kanminmsa na in lamontraz i mark son somin : La sagesse des lianes an 2021⁴. Féliks i amène Kazkabar dann kér lo Sant Internasyonal l’Ar sanm lo Péizaz (CIAPV). Triko ‘d’po’d’ravine si sézi’tèr (2021) i ardésine an pli pti lo térin la Ravine Bernica i koup an dé. La trikot sa sanm zégïy, krosé. Lo travay koulér la tér , i tyinbo ansanm in gro bransh dobwa. Manyèr la aranzé i arsanm bonpé fason i aranz in boukan — sa in zimaz i arvyin bonpé dann son travay. In léspas i di ariv aou, i anpar aou, i sony aou,. Pyès-la la komans mandaré ansanm lo ron fanm koté Sin-Pol pou ansèv ali in situ. Li gatir dé landrwa èk in listwar lé mayé akoz déplasman forsé sépakonbyin marmay la Rényon. Léta fransé la dérasine azot zané 1960-1970 pou arpèp la Creuse, départman na lo sant l’ar koméla.

Si la ravine i fé mazine travay la pli èk lo van, i rouv nout zyé si in krédfon dann péizaz, li tonm osi in sours la mémwar. Son lésans minm i fé lyane ali sanm listwar lésklavaz, sanm maronaz akoz maron té i kasyèt dann ranpar konma, lé malizé po arivé. Féliks i vé pa i obli , térla, bann maronaz koméla i kontinyé minm. Dan l’Hommage au gardien bœuf (2021), linstalasyon i rann omaz son défin vwazin Gabriel, in fonnkézér-santér gardyin bèf Moka^5.

Fé èk dobwa sanm la pay, li razout anndan zafér i fé mazine lam gardyin la (kapline bourdoné, oulké, pinsalinz, la korn bèf…). Souvandéfwa i agard travay domoun la dopi anlér konm zafér insinifyan, pwatan, gardyin bèf minm i tonm zarboutan lamontrér in fason viv, in konésans zis an parol parèy lontan bann maron. Koté Vassivyère, lartis la parti pran pisa bèf⁶ èk sonyér bèf laba, po mèt an partaz sanm vizitér in zès-fonnkér an koumbla. Po anpar la mark boubou i fémal minm.

Dann Granmèrkal (2005…) i trouv minm réspé po zistwar zansèt la kado anou. Ansanm zistwar réyoné Granmérkal la Rényon, Florans Féliks èk marmay lékol i fagot bann zobzé in pé batar i fo fé viv, rant la plim zwazo èk lo zé marmay. Zistwar Granmérkal néna plin, souvandéfwa i trouv tout èk lo kontrér, mésoman tout lé dakor po di madanm la i fé mont kap-kap si domoun. Sof an sorsyèz sof an martir, li roprézant in ménas i fé obli tout gabyé èl néna dési plant ék zanimo péi.

Parlfèt, saklon fèy, saklon la plim i vyin pito tir la pér, i dévir lo kap-kap an zé lamontraz. Pèstak I kri aou dann bwa (2022-2023) Tintin , lo group Solilokèr la fé, i arfé viv plis an gran lo bézwin mèt ansanm, èk lo koté na-pwin-lo-bor i trouv dan tout kréasyon Féliks.

I koné pa tro tro son travay la gravir. Somansa, lé la povréman dann tout son travay dopi son formasyon Lékol Nasyonal Sipéryèr Bozar Paris. Lané 1998, li i kalkil Gravir po gramoun goni pou in liv zistwar lartis épila lotèr Wilhiam Zitte la ékri. Ladan li kos ansanm rakontaz zistwar zansèt i koz dési krwayans, travay, lo déy èk solidarité. Po grafiné, po gravé i domann mèt la tèt èk out travay , i obliz rant anndan ou minm. Parlfèt sa i kado aèl in léspas zis po li minm. Nadéfwa in travay fine fé dopi avan i vyin in gravir (séri la gravir Granmèrkal - 2012). Nadlér, in gravir i ansérv po in ot travay i rès pou aktivé konm dann Salim (2012-2021)⁷. Rant rakontaz zistwar, pléré pou lo mor épisa sérvis po roénèt, bann gravir Salim i désine in téat lonbraz. Lérk i bouz dousman dousman, lèrk i vèy vèy byin, bann form i fé mazine aou bonpé zafér. In fèy i vyin dofé, korn kabri, la zèl zwazo obyin figir domoun.

Bann zès-fonnkér pou lo mor lé la partou. I fé lèv in in maabarldon réyoné ousa tout kroyans i viv kosté-kosté lam la natir, krétyin, malbar, zarab, tousala... Toulézan, li organiz an lantouraz Lomaz Zansèt (2004 – ankor pou fé) po lo 20 désanm. Dann minm siyon servis kabaré, kabar-la in fonnkér po zansèt malgas, lafrik, an maloya kabar⁸. Solon Féliks, na pwin po rod lésplikasyon, t’in moman po viv èk tout out kor, èk tout sak li giny rosanti, tout domoun ansanm, minm tan. An 2019, Lomaz Zansèt la ni in prosésyon dopi lo rivaz simtyèr Sin-Pol ziska térin Kazkabar. Dann zès fonnkér la, navé In zingad — rado madsoka — lartis Migline Paroumanou la fé, in léskiltir la tèt Delphine Hélode èk in sézi roulé dan la twal blan. Pérformans-la la tonm konm in lofrand pou bann zansèt réyoné i sort Lafrik siklone Gamède⁹ lavé mèt déor détrwa zané avan.

Florans Féliks i tonm in ti boutir lo gran lyane fami zartis i amay l’ar èk la vi. Mésoman ansanm èl, l’ar i tonm in zès-fonnkér i koumbla la tér, èk nout domounité. Li anrasine èk lo vivan, li rézone dann kor, li arpran son sans dann lantouraz èk domoun. Sak form i rouvér in bout la mémwar, in bout listwar po arsony ali. La pa di i répar lo pasé, soman i tasmanir, artrouv in parkoman rouv somin boranbor in domounité vivan.